邊度有咁多堅強,死雞撐飯蓋又撐得幾耐

又系沖涼。發覺自己真系好中意沖下沖下涼,引爆自己情緒,點解呢?

其實已經系咁系度唱「傷心的人別聽慢歌」呢首歌,好努力壓低自己嘅負面情緒。但係唱到咗果句「傷心的人別聽慢歌」,竟突然無法自控,崩潰,淚流。

其實今晚恆大 5-0,本應好開心。但係一啲都興奮唔起身,雙眼滿是痛苦。

阿媽話點扯都扯唔郁個保鮮袋,拎住卷保鮮袋叫我撕一個落嚟。我就扯咯,點知一下子太大力,佢冇捉實,卷保鮮袋跌咗落地。

果一瞬間,我望到佢個傷口。

……

……

……

然後我去執翻卷保鮮袋。

我只手系度震。

……

……

……

我好驚,真係好驚。

裝咗心臟起搏器嘅人術側手臂唔可以點用力。我驚我咁樣一扯,扯親個傷口,後果真係可以好嚴重……

直到宜家,我個心仲系跳得好快,後怕嘅感覺遲遲不散去。

到今日,先知道有啲嘢,唔系想掩飾就可以掩飾得過去,唔系想逃避就可以逃避得過去。強行假裝忘記,系冇用嘅。始終會系你嘅軟肋,時不時會跳出來,嚇下你,兇下你,你唔痛哭流淚都唔收手。


果日一早,聽到老豆同人地講拜祭嘅事,同阿嫲有關。

唔知系啲咩習俗,亦都唔敢問。係我有意識以來,第一次完完整整經歷呢啲事,我真系好迷茫、不知所措。越係咁,就越覺得自己冇用。


你話呢,點解做人咁難呢?

現實,真係就似一隻鴨。