無知

今日朝早去考咗托業,下午去租車部門度嘗試接觸業務。

坐係人地隔離個半鐘多啲,接近兩個鐘,然後翻屋企。

發咗條朋友圈話客服真係唔容易做,跟住就去沖涼。

沖下沖下覺得唔對路。我又有咩資格咁樣去講嘢呢?

係,辛苦就肯定係辛苦,但點都未輪到我去講。

我算咩新鮮蘿蔔皮呢,只不過睇住人地做咗個幾鐘嘢,就懶醒咁。

其一,人地真正辛苦嘅樣你都唔知。

其二,你又冇真正做過。

反正就覺得自己係度做 show。

所以真心對唔住。

所以決定可以嘅話,參加下人哋嘅培訓,認真學習下。