仪式感

今天又真係冇乜儀式感。

以前仲話可以加個餸,整多只雞髀。

家陣好似冇乜想做,加上又得一支公,都唔知做得乜。

翻下翻下工,一唔小心又到八點,即刻打卡落樓趕班車。

唯一生日節目可能就係食雞。點知又成晚都落地成盒。

當年,我哋次次生日都食雞,又次次都食得到。宜家打得咁少,仲邊有咁容易食到雞啊。

講講下,冇啦啦又話送個 Game 俾我,可能呢個係唯一有儀式感嘅嘢喇。

以前好鐘意儀式感,覺得有儀式感嘅生活嘅幸福指數係可以升高一個 level 嘅。

所以都好努力學緊人哋咁,禮拜五老 H 都唔 OT,話知週末加班定點解決,反正禮拜五就一定要準備走人。

呢個諗法係我腦裡面徘徊咗一日,直到夜晚八點。

手動微信微笑表情。


又唔係話真係乜都冇做嘅。

每年嘅呢個時候,都好有購物嘅衝動。

目前為止,演唱會飛啦,為咗睇演唱會要買嘅嘢啦,Kindle 啦,球飛啦,仲有購物車裡面嘅鼠標啦,購物車外面嘅 NS 啦……

平時我好少買嘢,又好少出去食嘢,其實就因為冇錢買冇錢食遮。

曲面 144 啊,又心郁郁。

條手鏈斷咗,又心郁郁。

冇乜衫著,又心郁郁。

……好多嘢都心郁郁。

喜歡是放肆,愛是克制。只可以講愛得深沉啦咁。

又要還卡數,又要交家用,雙十一?

關我 L 事。


唔知點解今晚咁放縱自己講粗口。

可能係因為某個仆街掟燃燒瓶燒死隊友。


以上。

感謝祝福。