腦海里那凌亂的一切「未來篇」

諗好曬開頭,突然記起「未來還未來」哩部劇。


我喺度諗,我似邊個呢?

似阿俊,點講我都係一個算肯吃苦嘅人吧,日日朝九晚八都冇幾句怨言,怨都係怨自己效率太低、成日犯錯。

似滴滴仔,份工做咗都未夠一年,咁快就想轉工做其他嘢。

似 Daisy,唔知自己做得乜,妄想可以通過網絡發為。

唯一唔似嘅可能就係樂樂,被領導賞識嘉許,有自己清晰嘅人生目標。

哩一刻,我仲企喺個十字路口度,望下望下,停步不前。


喺好長一段時間裡面,我都唔知道自己仲可以做啲咩,所以日日了無生氣咁虛耗落去。

直到同大佬傾完。

原本根本冇諗過:噢原來真係有人會睇我寫嘅嘢,仲要覺得還可以。我對自己哩方面嘅自信喺我面試毒舌之後消失殆盡。

被拒絕之後,有兩條路可以行,一係繼續進修,二係放手。我選擇咗後者。對於應屆生嚟講,可用嘅時間同孤注一擲嘅勇氣真係太少太少。所以嗰段時間我真係好嬲自己,當初點解唔早啲開始諗開始計劃未來。如果早啲決定去讀書,如果早啲去作更多嘗試。

現實又邊有咁多如果同早知。對唔住,冇「咁多」兩個字。

放手之後,其實都好好彩仲有一條算係希望嘅路。不過,可惜。


好多謝大佬嘅開解同教導,好多謝老韓俾嘅意見。

我都係想去追夢。


兩條路可以試下去行。

一係新媒體,重新開始寫嘢。最好就梗係寫翻電影方面嘅嘢,唔得嘅話情感方面都可以,我覺得哩兩方面係通嘅。另一條係試下老韓嗰邊,從幕後工作方面入行,睇下可唔可以爭取翻一個機會。拎住舊敲門磚周圍去敲,只要敲開一家就得。

敲唔開呢?哩個真係一個好難回答嘅問題。

我覺得揾翻一份 HR 方向嘅工作應該唔難,但可能會再次陷入循環,永遠唔會甘心。所以就繼續敲咯!雖然係寒冬,總都會有機會嘅。而且人係會進步嘅,一邊敲門一邊都要學習、寫作,總會有機會嘅。


再遙遠啲。

個行業咁大,只要入咗門,路係可以行出嚟嘅。