寫給 ABC 君

何必咁卑微

上面有一首歌可供播放。

有缘即可见。


A 君,男,啱啱分手。

分手原因係女友過分索求而不知足,反指佢付出不足。

非第一次。

心灰意冷,遂分手。

分手后回想起某些細節,想到對方疑似出軌。

出軌哩個話題,我真係好多嘢可以講。幾年過去,依然印象深刻,絕對唔會忘記嘅一段經歷。

你問我:我當時點處理自己嘅情緒。

我可以點處理呢?

臨近高考,仲要同佢地兩個朝夕相對,我有咩辦法呢?再講啦,我覺得另一個女仔比我慘得多。

所以我根本都冇心思去諗以後。

唔似你,我冇諗過仲信唔信另一半哩個問題。因為對我嚟講,問題更難,係仲信唔信朋友。

所以我覺得係嗰次之後,直到宜家,我都好難再同人深交。

咁係唔係唔交朋友呢?梗係唔係啦!難,唔代表唔去做,有句俗話叫「最緊要帶眼識人」。

換成你,我覺得係一樣嘅,難啲遮,驚啲遮,唔通唔做咩?

同樣,都係要「帶眼識人」。

回到你嘅根本問題,你對佢付出咁多,佢對你做過啲咩?係啊,愛情唔應該斤斤計較,問題係佢仲斤斤計較嘛!

繼續行落去,有乜為?如果你早啲同我講佢哋疑似出軌嘢,我肯定一早勸你分。

人生流流長,總會遇到幾條。。。

愛得咁卑微,唔會有好結果。所以下一個,要識得平等啲。

亦都唔洗去諗下一個要點去對待。你先結束冇幾耐,急乜怕乜?

下一位嚟到,你就會知道。


B 君,女,暗戀他人近三年。

表示過喜歡,失敗過。

係對方嘅暗示下,終於決定放低。

又一個愛得卑微嘅故事。

你話你都講唔清楚點解鐘意佢,我諗佢亦都唔清楚點解你會鐘意佢。

大家平時交集唔多,除咗開始嗰段時間,後面都好少講嘢。

所以我諗好多人都好難理解哩份喜歡。更難理解嘅係,你仲堅持咗咁耐。

何必呢?

我说我爱你 够份量了吗

我努力试探你 接受我的真心可以吗

我太过爱你 你会被我吓怕 不是吗

其實我覺得哩啲嘢係好簡單嘅。你喜歡,你咪去上去追咯!得,定唔得,試過先知。

得,梗係好啦。唔得,咪算數咯。

點解要唔聲唔聲等三年呢?

何必愛得咁卑微?

之前都有見過一個女仔,同你一樣,感情出現同表達都十分突然,咁係唔會有好結果。

但佢學精咗,放手,面向新機會。宜家同男朋友幾恩愛幾登對。

冇咗哩棵樹,仲有大片森林。


C 君,男,啱識咗一個女仔。

佢話,嗰女仔唔算好好睇,亦好似同佢以前鐘意嗰 type 有啲唔一樣。

但,神奇嘅係,佢莫名覺得好有 feel。

只不過,對方一直保持住唔遠唔近嘅關係,令佢覺得好難受。

你冇做兵嘅資質。

既然係咁,仲等咩啊?你以為娘娘真係咁容易俾你一親芳澤?

成日話要講 feel。feel,係好捱出嚟咖!

你哋又唔係一齊做嘢,邊度會有日久生情嘅機會?

既然娘娘一開始都冇表示啲興趣出嚟,咁仲點解要等呢?

做乜要咁卑微去做兵呢?


人人都有阿媽生。

你唔鐘意我,唔代表你叻我好多。

大家都仲咁年輕,大把世界,大把機會。

唔信?過多兩年,被逼去相睇,你咪就知咯!

最緊要知道,舔狗,舔到最後,一無所有。