Alone

一个人的房间

噚晚,一個人坐喺房裡面,睇緊電影。

突然,個肚絞痛到好似啲大小腸攣埋一齊咁。

感覺好似就嚟要暈過去。


前幾日,正常起身、正常上班,坐坐下,突然覺得頭唔舒服,對眼好難聚焦,甚至出現一塊白斑。

嚇到我鼻哥窿都冇肉。

我開始眼保健操,一邊做一邊諗要去睇眼,如果真係有事點算……

越做,個頭越痛……

夾硬頂。頂到後來,實在唔得,只可以趴喺度。

一到中午,即刻執嘢翻屋企,嘢都冇食。

越行,就越覺得又暈又痛,真係差小小暈低。


之前住江南西。

最後嗰段時間,過得好辛苦。

一個人屈係間細房裡面,感覺極為壓抑。

靈感匱乏,不斷否定自己,脾氣暴躁,轉而喺床上面碌來碌去,想大嗌又嗌唔出嚟。

我真係有諗過……


上面三次,都係一個人住嘅時候,覺得好絕望嘅瞬間。

什麼叫絕望 抬起眼望望

好痛苦,好無助,唔知點算好,我唯一依戀嘅竟然係地板。

噚晚我喺度諗,如果我真係痛到暈低,可能冇人會知……

痛完又喺度諗,下次再係咁,點算先好……

腦裡面飄過好多奇奇怪怪嘅念頭,閃過各種各樣嘅記憶。


其實,出得嚟住,預咗啦,好多嘢要自己負責自己孭。

我都唔係想有人睇住我照顧我。

只係,如果有個精神慰藉都好啊。

要更加強大啊阿罩!