「流感」有感

「流感」有感

人生如戏,戏如人生

年前諗到年後

又一段時間冇寫嘢。

都好多原因嘅(狗噏),最大嘅當然係懶啦(唯一一個),另外就係覺得冇意思。

冇意思唔係指電影冇意思。雖然冇寫,但最近都一直有睇片,加上睇劇嘅時間,計計埋埋都唔少。

事因係某個我好鐘意嘅公眾號,寫嘅嘢竟然犯咗個好低級嘅錯誤。

當然,唔係咩錯別字之類,我仲未有咁無聊。

而係未搞清楚電影細節就拎出嚟講,講錯曬,配圖又各種錯誤堆砌,為圖而圖。

同毒S、獨LY之流有乜區別。

我記得,以前小五老師會同我認真傾電影觀感、細節,我亦會針對寫出嚟嘅每一個點,逐幀逐幀咁截圖、做 Gif。

然後老師仲會重新睇一次、排一次。

我覺得,哩種媒體人嘅嚴謹,係我實習時最大嘅收穫。

我唔係一個鐘意談論政治、時事嘅人,亦都唔興喺寫作裡面加入相關言論。

但哩部片令我印象深刻。

一部13 年嘅片,令我對最後兩件關於口罩嘅時事都有咗唔一樣嘅理解。

「流感」

p1993729737.jpg

大家都應該知道偷渡。

從東南亞偷渡到南韓,要將成班人關在集裝箱,然後通過水路航運到南韓。

漆黑不見五指,吃喝拉撒全喺裡面,生死有命,冇人預計到最後可以活著嘅有幾個。

更何況,有人患流感。

更何況,在這所謂旅途中,病毒發生變異。

集裝箱到達南韓,接頭人前來迎接,潘多拉魔盒就如此打開。

1.gif

哩個係一種超級病毒。

感染幾率高,傳播速度快,發病時間短,病死率極高,無治療方案。

有如末日來臨。

又有如我哋啱啱見證過嘅、正在見證緊嘅,整座城市陷入恐慌,人人自危,搶購嘅搶購,逃離嘅逃離……

死神在城市中遊蕩,揮動鉤鐮,帶走一片片生命。


專業人做專業事。

醫學權威通過研究、判斷,認識到情況嘅惡劣。

不專業人掌大權。

不信權威,鼠目寸光,在其位不擔其責,甚至呵斥權威,口口聲聲大條道理。

但有時候,有啲事,殺到埋身,唔到你唔信,唔到你唔驚,唔到你唔採取措施。


封城。

市民集中隔離,有病嘅一邊,冇病嘅一邊。

你以為係治療啊?

唔係,因為冇辦法治療。

你睇下集中起嚟嘅人,好似只狗啊。

除咗等死,無可奈何。

你睇下隔離個堆填區,裡面全都係尸體。


唔講咁多劇情方面嘅嘢。

我想講,睇完之後,我明白咗好多發生喺現實嘅事情。

比如話,一個系統裡面,經常會出現專業人士向非專業人士匯報嘅情況。

哩件事本身係無可厚非嘅,未荒唐得曬。

荒誕嘅地方在於非專業人士會質疑專業人士意見,不聽信、不採用、不行動,紙上談兵,太多無用會議,浪費時間資源,錯過解決問題黃金時間。

咩封城,咩隔離,咁大個決定,邊有人敢擔哩個責任。

唔係個個都有咁嘅魄力。

但你坐喺嗰個位,你要有!

俾你坐上去,係要你做嘢,唔係屍位素餐。

我理解你有難處,但得我理解而你唔解嘅话,一切皆是徒勞!


又比如話封城前嘅逃離,封城后嘅爆發。

我相信有好多人私底下都有吐槽過那“逃出來”嘅 WH 人。

但換轉係你,你會唔會走呢?

早排汕頭話封城,全城瘋搶物資。有傳廣州將會效仿,超市貨架一空。

哩個就係我哋面對恐慌嘅應激行為。

冇人會知道封城之後會發生啲咩,隔離,軍管,定係斷水斷糧斷電……

前晚,打車,同滴滴司機傾到哩個問題,距問:如果係你,你走唔走呢?

走。

但我作出相同選擇唔代表咁樣係啱嘅。

特別係嗰啲明知自己身上出現症狀,仍然執著外逃嘅人渣。

其實,從各方流出嘅消息可知,事情遠比已公開嘅嚴重。

絕望嘅情緒籠罩住 WH 城。

我哋都知道,有啲嘢,壓得太耐,係會爆㗎。


封城哩件事,有分內外。

比如想封但被阻止嘅汕頭。

比如某島。

島上醫生揚言要通過罷工迫使政府全面封城。

我個人認為公佈出嚟嘅醫生數字,僅僅係一個數字,沒有真實影響意義。只係某些人出於政治目的自導自演嘅一場大龍鳳。

無論真又好,假又好,成件事非常滑稽,卻又特別殘酷。

裡面的人在承受痛楚,外面的人為求自保急於斷絕聯繫,確是自私,卻看似也是最有效率的做法。

災難面前嘅倫理問題,或者講人道主義問題,永遠那麼棘手。

微信截图_20200203184637.png

軍管初初,局部有些反對聲音,被壓去了。

掌權方公佈了一系列舉措,說是有期限的,讓大家看到其實是有希望的。

於是忍了。

然而當局最後並沒有履行諾言,還被發現隱瞞了諸多實際情況,恐慌迅速蔓延開去,再而演變成為逃離與反抗。

繼續留下來只有死路一條。

好多嘢係冇得避冇得瞞嘅,就好似一個定時炸彈咁,你一日唔拆佢,佢都會爆,而且拖得越耐,周圍越多人,傷亡越嚴重……

WH 咪又係一個樣板。

14.gif
微信截图_20200203184947.png

再從群眾哩層諗一下。

最後軍民對峙,有人會話暴民,有人會話勇敢,其實,佢哋有得揀咩?

原本嘅狀態,就係處於一個絕境,一個慢慢等死嘅絕境。既如此,不如搏一搏,希望確是渺小,總好過坐以待斃。

哩個對峙嘅畫面令我諗到半年前嘅口罩事件。

相關條例嘅頒布對佢哋嚟講,其實就是絕境,我哋好難理解嘅係,相關條例相當於破壞咗佢地廿幾年嚟所依賴嘅政治環境。

同當年回歸前嘅擔憂、恐慌一樣,冇人會知道後面會點發展,知道嘅就係有一個缺口,哩個缺口給予了“操作空間”,所以會本能地排斥,乃至反抗。

微信截图_20200203183851.png

我係喺 WH 初初傳出消息時,咁啱睇咗哩部電影。

當時感觸就好深。

部電影就好似現實世界嘅預告片咁,唔使幾耐,好多嘢都照住裡面嘅情節發生。

究竟邊個係現實,邊個先至係藝術呢?

光影背后