##狗竇係咩

屬於自己嘅一個男性生理期時嘅去處。

---

##我係邊個

###小精靈迷

身邊冇幾個人同我一樣沉迷小精靈，其實都幾悲哀，好多嘢冇得同人分享，發朋友圈亦好無謂。

大概在初三，十四五歲左右，真正開始追寵物小精靈番，每個星期必看，甚至試過睇生肉。

「寵物小精靈」係我追嘅唯一卡通片。

舊嘅如「海賊王」、「火影忍者」，新嘅如「進擊的巨人」、「一拳超人」，儘管好評如潮，依然冇乜興趣去追。

哩樣好可能係我一生人裡面堅持得最耐嘅事。

一部子供向動畫，點解我會咁上心？

真係講嘅話，可能有好多嘢可以講，比如精心設計嘅形態各異小精靈，朋友之間嘅相處與扶持，對目標夢想嘅追求，與伙伴締結嘅羈絆……

我覺得最打動人嘅始終係所謂赤子之心吧。

「我叫小智，來自真新鎮（純白鎮）。我嘅夢想係成為小精靈大師！」

---

###半桶水影迷

影迷，迷影。

記憶裡面，真正開始追戲，應該係高三。嗰陣大概每個星期都要睇一部電影。

而我記得嘅第一部應該係「人狼大戰」。我將哩部電影當作自己迷影嘅開始。

我好感激大學喺南都實習嘅經歷，接觸到好多未敢想象過嘅嘢，令我可以走近電影多幾步。

好可惜考研失敗，否則宜家就好可能係以為電影從業者。

亦好感激喺「烏鴉電影」嘅哩段工作經歷。「烏鴉電影」係一支超級好嘅團隊，但係我自己未夠班。

北京都有一個好唔錯嘅機會，感謝佢哋嘅賞識。

冇所謂啦，人生就係咁，充滿遺憾。

我自己嘅公眾號——「深夜小戲院」。我冇同自己設 KPI，大概半個月會更新一篇。目的好簡單，就係想將我覺得唔錯嘅片推薦俾身邊嘅朋友仔。

希望你哋會中意。

---

###足球迷

鐘意踢波，但踢得勁屎，不過我開心。

鐘意睇波。英超睇阿仙奴，德甲睇多蒙特，中超睇恆大。偶像有奧斯爾、雷斯、C朗。

我唔中意打籃球係因為唔鐘意咁多身體接觸，足球就冇咁嘅問題喇。

特別係行雲流水嘅傳遞更係深得我心，所以我先咁中意阿仙奴同奧斯爾。

我球齡唔大，見識尚淺，但我覺得足球真係教識我一句話：

波，係圓嘅。

---

得閒再寫